O filme Manoliño Nguema gañou esta fin de semana o premio do público na edición númeo trece do festival MiradasDoc de Canarias.

 

A película dirixida por Antonio Grunfeld, que está tamén nomeada para o Premio Mestre mateo ao Mellor Documental, conta a historia de Marcelo Ndong –un sexaxenario artista africano formado en Galicia e que agora rexenta unha pequena gardería en Malabo (Guinea Ecuatorial)–, que recibe unha inesperada proposta: como en tantas outras ocasións deberá montar unha obra de teatro, pero esta vez, o argumento será a súa propia vida.

Marcelo Ndong, tamén coñecido como Manoliño Nguema, naceu en Malabo cando o país aínda era unha colonia de España. En 1968 viaxou a Galicia grazas a unha bolsa de estudos que lle permitiu formarse no Circo dos Muchachos de Bemposta. Despois de moitas xiras e actuacións por todo o mundo, volveu a Guinea co obxectivo de axudar na reconstrución dun país arrasado primeiro pola colonización e logo pola ditadura de Macías.

Marcelo Ndong acabou creando a primeira escola de circo de Guinea Ecuatorial e converténdose no “pai do teatro de Guinea Ecuatorial”. Unha obra teatral creada sobre a súa vida visitou varias localidades de Galicia en 2018.

Trailer do filme

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos