No confín de… Paula Quintas

Bailarina, alambrista circense, coreógrafa visual e pedagoga. Paula Quintas é unha das figuras máis destacadas no panorama da danza galega e internacional. Os seus traballos nas compañías Dizzy O’Dare, trasPediante ou Pistacatro, entre outras, lévana sempre na procura de novos códigos corporais no seu traballo escénico. É codirectora do festival ourensán Corpo(a)Terra de danza e artes do corpo. | Foto: Sammi Fang |

 

O libro que tes sobre a mesa de noite.

Estética de lo performativo de Erika Fischer-Lichte. Estou revisando algúns artigos sobre a performance neste período de confinamento.

A túa banda sonora destes días.

Suite bergamasque, L.75: III. Clair de lune de Claude Debussy. Viaxo con ela cara á liberdade e á tranquilidade do movemento.

O último filme que te impresionou.

Parasitos (기생충) de Bong Joon-ho, filme de Corea do Sur que se converteu nunha das películas do ano.

A obra de arte na que te perderías agora.

Na exposición de Anish Kapoor para o Museo da Fundación Serralves de Porto.

A peza que che gustaría facer.

Unha vídeo-danza na que levo traballando os últimos meses. É unha peza de danza participativa na rúa que ía a estrearse este mes de maio: #SET de Cía. trasPediante e con dirección de Rut Balbís. Pero todo chegará!

Unha figura histórica coa que compartir unha caña.

Marcel Duchamp e falar dos seus readymades. Quizais moitas máis!

Se non foses bailarina, serías…

Tarotista.

Ernesto Is
Latest posts by Ernesto Is (see all)

Máis sobre Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no VI Programa Dramaturgias Actuales, no grupo de escrita teatral DramaturXA do CDG e na bolsa de creación de Nuevas Dramaturgias de Euskadi. Cofundador da compañía Feira do Leste, coa que ten estreados os espectáculos 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté-Revista Galega de Teatro e colaborador da Revista Grial.

Deixar unha resposta