Actualidade

Comeza a XVI Mostra de Teatro de Malpica

Carabela | Galeatro

PUBLICIDADE

A ‘XVI Mostra de Teatro’ de Malpica dará comezo hoxe, venres, 30 de outubro, e estenderase ata o 11 de decembro.

 

A programación estará marcada polo protocolo hixiénico-sanitario, e desde o goberno local engaden que “as sesións estarán condicionadas ao contexto vixente no momento de celebrarse”. As restricións de capacidade dos espazos fai necesaria a reserva previa das localidades a través do teléfono do departamento de Cultura do Concello.

Bernarda, de Malasombra Producións, cun texto orixinal de Jose Prieto baseado en La casa de Bernarda Alba de Lorca, será o espectáculo encargado de abrir a XVIª Mostra de Teatro de Malpica, hoxe, ás 20:30.

O Ciclo de Sala, no Centro Cívico da vila, incluirá tamén a versión de Medida x medida, de Shakespeare a cargo de PT Excéntricas, con dirección de Quico Cadaval, o día 6 de novembro; Talía Teatro porá en escena Lambetadas o 13 dese mesmo mes; Tabú, de Tarabela Creativa, estará na Mostra o 20 de novembro; o 27 será a vez de O meu mundo non é deste reino, de Teatro da Ramboia; A compañeira de piso, de Contraproducións, pechará as funcións de novembro, o día 29; e o espectáculo Carabela, de Galeatro, abrirá as de decembro o día 4. O ciclo pecharase o 11 de decembro coa actuación de Carlos Blanco e o seu espectáculo Quen dixo medo.

Ademais, o ciclo Ruada, dedicado ao teatro familiar, constará de catro funcións en diversos espazos da vila: Elefante Elegante presentará Lobo bobo o domingo 15 de novembro na Escola das Pozacas Cerqueda; Xarope Tulú porá en escena Utopías o 22 de novembro, no Centro Social Barizo; o Mercado de Abastos acollerá unha sesión de contacontos o domingo 6 de decembro; e Galeatro pechará o ciclo ese mesmo día con O camiño da lingua, no antigo centro comarcal de Buño.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!