Boas prácticas AGPXC
Imaxe de AGPXC

PUBLICIDADE

A necesidade de redacción deste texto, elaborado pola (AGPXC) co apoio da , xurdiu coa declaración do estado de alarma por mor da .

A Asociación Galega de Profesionais da Xestión Cultural (AGPXC) presentou o pasado luns 15 de marzo, un Manual de Boas Prácticas na Xestión Cultural para Espectáculos ao Vivo que elaborou a entidade co apoio da Deputación da Coruña. Na presentación telemática do texto participaron Pilar Portela, presidenta da AGPXC; Xurxo Couto, deputado de Cultura da Deputación da Coruña; e Patricia Hermida e Ángel Dieste, autores do mesmo.

A intención deste manual é a de establecer dun modo práctico, os pasos que debe seguir calquera persoa física ou xurídica, pública ou privada, á hora de afrontar a organización dun espectáculo ao vivo. A presidenta da AGPXC, Pilar Portela, descatou durante a presentación que “desde a asociación queríamos que fose eminentemente práctico e útil para todas as axentes que participan nun espectáculo e que poñemos a disposición de todo o sector”. Pola súa banda, os autores do texto, Patricia Hermida e Ángel Dieste, encargáronse de realizar a presentación do mesmo, destacando que “é un documento que pretende respostar dun xeito áxil e accesible ao reto de organizar un evento ou espectáculo en base ás boas prácticas, que non son outras que as que veñen sustentadas pola responsabilidade social, ambiental e cultural e pola propia normativa e lexislación vixente”.

O manual contou co apoio da Deputación da Coruña, dentro das súas liñas de subvencións dirixidas a entidades sen ánimo de lucro con función de representación sectorial e colectiva. O deputado de Cultura da Deputación da Coruña, Xurxo Couto, destacou que “este manual, será unha ferramenta de uso e de interese non só para os concellos senón para os teatros, auditorios, entidades culturais que programan actividades ao vivo. Desde a Deputación da Coruña, non só nos compracemos en apoiar esta proposta, senón que difundiremos os seus contidos e comprometemonos en distribuílo a través da rede cultural, no que queremos que estas boas prácticas se impoñan para que sexamos exemplo do bo facer da cultura na nosa provincia”.

O manual está a disposición dos profesionais da sector cultural na páxina da AGPXC.

Compartir

PUBLICIDADE

PUBLICIDADE

Deixar un comentario

Subscríbete ao boletín á newsletter

Recibe no teu email as novas, artigos, entrevistas e contidos da Erregueté para que non perdas unha!