Actualidade, Danza

Kirenia Danza
Imaxe de Kirenia Danza

PUBLICIDADE

A peza, dirixida por Kirenia Martínez e interpretada por Esther Latorre e Xoel Álvarez, estréase mañá venres, día 23, no Auditorio ‘Gabriel García Márquez’ de Oleiros.

Despois de E_migrantas, a compañía Kirenia Danza presenta este venres 23 de abril unha nova entrega da súa triloxía sobre os vulnerables: Primeiro a vida! A peza, interpretada por Esther Latorre e Xoel Álvarez, e dirixida por Kirenia Martínez, estréase no Auditorio ‘Gabriel García Márquez’ de Oleiros ás 20.00 h. As entradas están á venda unha hora antes do espectáculo na billeteira do Auditorio.

O equipo de Primeiro a vida! complétase co Branca Novoneyra na escrita, o vestiarista Jandro Vila, os compositores LLXANTO e Bruno Baw, o deseñador gráfico Niko Alvarellos e Uxío Novo en labores de produción.

Primeiro a vida!

Os coidados están hoxe no centro, agora son visibles, mais sempre foron imprescindibles para manter a vida. Somos vulnerables, estamos sempre expostos e precisamos doutros corpos que nos apoien durante a nosa vida. O corpo fala da vulnerabilidade, escríbea con xestos e desprazamentos, en toda manifestación que sostén. Precisamos dos coidados dos outros para manternos con vida xuntos en comunidade. Esta peza é un eloxio dos coidados, é dicir, tecemos o coidado en movemento e os corpos danzan unha antiga reivindicación que demanda ‘Primeiro a Vida’ ou ‘Antes a Vida’ ou ‘Elixir a Vida’; tres posibles traducións do verso de André Bretón, transformado nun lema nos antigos muros durante o Maio de 1968 en Francia.

Fronte a explotación, a precariedade e a morte que trouxo a pandemia, nós eliximos coidarnos e proclamamos: Primeiro a vida!

Equipo técnico e artístico

Coreografía e dirección: Kirenia M. Acosta
Asistencia coreográfica: Branca Novoneyra
Escrita: Branca Novoneyra, Esther Latorre e Xoel Álvarez
Equipo artístico: Esther Latorre e Xoel Álvarez
Espazo lumínico: RTA
Espazo sonoro: Bruno Baw e LLXNTO
Vestiario: Jandro Villa
Deseño gráfico: Niko Alvarellos
Produción: Uxío Novo
Asistencia de produción: Artestudio Xestión Cultural
Distribución: Kirenia Danza e Artestudio Xestión Cultural

Primeiro a vida! conta coa axuda á creación escénica da Axencia Galega das Industrias Culturais (AGADIC).

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos