in

Luis Manuel Soriano Ochando gaña o XLVI Premi Born de Teatre 2021

O dramaturgo Luis Manuel Soriano Ochando recibindo o Premi Born 2021. Foto Afonso Becerra
O dramaturgo Luis Manuel Soriano Ochando recibindo o Premi Born 2021. Foto Afonso Becerra

O prestixioso de Teatre, organizado polo Cercle Artístic de Ciutadella de Menorca, recaeu no dramaturgo de Murcia Luis Manuel Soriano Ochando (1979), pola súa obra El desmoronamiento de la ternura.

O xurado da presente edición estivo formado por Denise Duncan (actriz, produtora e directora de escena), Laurent Gallardo (profesor de estudos hispánicos e cataláns na Universidade de Grenoble Alpes), Juan Vicente Martínez (profesor de estudos ingleses na Universidade de Valencia e director de “Sagunt a Escena”), Laura Pons (actriz de teatro, cine e televisión) e Francisco Sáez Raposo (doutor en filoloxía pola Universidade Complutense de Madrid e investigador do teatro do Século de Ouro).

O xurado acordou outorgar, por maioría, entre as case cincocentas pezas que se presentaron este ano, o premio a El desmoronamiento de la ternura, pola formulación complexa que o autor fai dun tema como o dó, retratado desde o caos e o exceso como forma de fuxida ante a realidade da morte. Tamén valorou o enfoque cara a unha xeración máis nova de público, cun tipo de escrita fresca e novidosa. Asemade, o xurado fixo especial fincapé na capacidade da peza para apelar ao sentimento de tenrura, á vez que consegue darlle unha dimensión irónica, cun impresionante inicio e final.

PUBLICIDADE

El desmoronamiento de la ternura está escrita desde un prisma moi rompedor e contemporáneo, representando un momento de dor que se espera máis transcendente, pero que choca coa vulgaridade da realidade. E faino cun desenvolvemento moi rítmico, que consegue mediante a musicalidade da palabra.

Luis Manuel Soriano Ochando é titulado en Dirección escénica e dramaturxia pola Escola Superior de Arte Dramática de Murcia e cursou os mestrados de Artes Escénicas da Universidade de Murcia e o de Danza e Arte do movemento da Universidade Católica de San Antonio. Impartiu diversos curso de dramaturxia, dirección escénica, iluminación e deseño de espazo escénico en Sicilia, Atenas e Murcia. Como director realizou diversas montaxes teatrais, entre as que destacan Hamlet/homeless de Sebastián Ruíz, en coprodución con Arena Teatro e presentado no Festival das Autonomías no Teatro Belas Artes de Madrid en 2004; Mi vida gira alrededor de 500 metros, de Inmaculada Alvear, espectáculo producido por Arena Teatro, estreado no Festival Internacional de Nápoles en 2009; ou Lo que sé de Shakespeare, un texto propio con produción de Ribalta Teatro e estreado no Teatro Circo de Murcia en 2015.

A peza, escrita en castelán, será traducida e publicada en catalán, éuscaro e galego. En Galiza poderá lerse dentro da nova colección editorial de libros que vai publicar a erregueté | Revista Galega de Teatro, que mantén, desde hai máis dunha década un convenio co , Menorca.

PUBLICIDADE

O sábado 23 de outubro dábase a coñecer o gañador do XLVI 2021 nunha gala especial no Teatre d’es Born de Ciutadella e o venres, sexta-feira, 22 de outubro, presentábanse as edicións do texto galardoado en 2020, O corpo máis bonito que se atopará nunca neste sitio de , publicado en catalán por Arola Editors, en éuscaro e castelán por Artez e en galego pola erregueté | Revista Galega de Teatro. O autor catalán estivo acompañado pola secretaria do Cercle Artístic, Itziar Lecea, por Carlos Gil, de Artez, e por Afonso Becerra, director da erregueté | Revista Galega de Teatro.

PUBLICIDADE
PUBLICIDADE
NULL string(80) "SHORTCODE: [gallery mace_type="lightbox" mace_title="Your gallery title" ids=" ]"
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Cartografía en movemento

    O Festival Cartografía en Movemento inicia hoxe en Lugo a súa décima edición

    Born

    Volver ao Born de Teatre