in

‘O charco de Ulises’ inicia unha xira por vinte concellos de Galicia e Portugal

O charco de Ulises CDG
Imaxe de Miramemira

A produción do Centro Dramático Galego O charco de Ulises, dirixida por Marián Bañobre e Santiago Cortegoso, inicia este venres en Tui unha xira que levará a montaxe a vinte concellos de Galicia e do norte de Portugal e que se prolongará ata o 12 decembro.

O director do CDG, , explicou hoxe na rolda de prensa realizada en Tui para presentar a función programada para este venres que se trata da xira máis ampla organizada pola unidade teatral da Xunta nos últimos anos, tanto polo número de funcións como pola diversidade de espazos, nos que figuran tanto as principais cidades coma pequenas vilas.

Segundo sinalou, a iniciativa enmárcase na aposta do CDG pola descentralización da súa actividade, que fai que este ano participe en diversas propostas nun cento de concellos, e polo achegamento das artes escénicas á poboación de todo o territorio, reforzando así tamén a colaboración institucional coas administracións locais e co país veciño.

PUBLICIDADE

Novo modelo de distribución
estreárase o 14 de xaneiro no Salón Teatro de Santiago, onde tiña previsto permanecer durante catro semanas de representacións, que tiveron que ser suspendidas no seu tramo final a causa da pandemia. A súa posta en escena iniciaba, ademais, unha nova etapa na compañía pública, que, a raíz da crise sanitaria, pospuña a distribución dos espectáculos de produción propia para reforzar o papel do CDG como motor escénico .

Tras a función en Tui, O charco de Ulises viaxará ao Barco de Valdeorras (día 6), e Celanova (día 7). A seguinte semana estará en Viana de Castelo (día 10), Barcelos (día 11), Ourense (día 12), Cangas (día 13) e Oleiros (día 14). As actuacións da segunda quincena comezan en Verín (día 17), e seguen en Monforte de Lemos (día 18), Vigo (día 19) e Pontevedra (día 20).

Novembro pecha con representacións en Cariño (día 24), Rianxo (día 25), Vilagarcía de Arousa (día 26) e A Coruña (día 27). Xa en decembro, hai sesións programadas en Lugo (día 9), Arteixo (día 10), Narón (día 11) e Vilalba (día 12).

PUBLICIDADE

O clásico de Homero nun contexto galego
O charco de Ulises sitúa o clásico de Homero nun contexto transatlántico. A trama do texto, escrito por Cortegoso en 2010 dentro do programa Iberescena e nos talleres de dramaturxia do CDG, discorre en paralelo á Odisea, xerando un diálogo co mito orixinal para tratar o fenómeno da emigración galega cun marcado compoñente poético. Así, a proposta muda Ítaca por Galicia, Troia por Bos Aires e o Mediterráneo polo Atlántico.

Fran Paredes e Inés Salvado encarnan os papeis de Ulises e Penélope, encabezando un elenco que completan Óscar Allo, Miguel Borines, Mónica Camaño, Rosalía Castro, Raquel Espada, Manuel Millán, Chusa Pérez de Vallejo e Paulo Serantes, ademais do músico Xosé Lois Romero.

No equipo artístico figuran Pablo Giráldez, o Pastor, no deseño da escenografía; Saturna no de vestiario; Salvador del Río na iluminación; Xosé Lois Romero no espazo sonoro; Ezequiel Merlo na Coreografía Tango; María Costas no traballo de voz; Baia Fernández na caracterización; Carmela Bueno na asistencia de dirección; Xandre Vázquez na de produción e Keka Losada na de produción en xira.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Nova Galega de Danza

    Nova Galega de Danza galardoada co Premio da Cultura Galega 2021

    Diário de uma República

    O Teatro Municipal Sá de Miranda acolle a quinta edición do Festival de Teatro de Viana do Castelo