in

Antón Coucheiro estrea ‘Home, comedia deconstruída’ en Vigo

Home Anton Coucheiro scaled

Antón Coucheiro estrea esta fin de semana o seu novo espectáculo, Home, comedia deconstruída, na Sala Ártika, en Vigo. Na peza, un monologuista preséntase no teatro e comeza falando da infancia, do que representa facerse maior, do colexio, dos amigos… Pouco a pouco, vaise decatando de que certos chistes xa non lle fan graza. O espectáculo cambia o ton de stand-up para comezar a deconstruírse, ata un punto no que o propio cómico se cuestiona a súa forma de entender o mundo.

Home procura facer “unha crítica mordaz das distintas caras do machismo, nunha comedia de xénero dexenerada, cunha posta en escena sinxela e versátil, que vai do stand-up ao clown, do musical ás marionetas, da parodia ao absurdo, da risa ao drama”.

A peza, recomendada para público a partir dos catorce anos, poderá verse mañá, venres; o sábado e o domingo, ás oito da tarde, dentro da segunda edición do festival Artiklown.

PUBLICIDADE

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    'Emigrados'. Aula de Teatro Universitario de Vigo.

    ‘Emigrados’, da Aula de Teatro do Campus de Vigo

    Xosé Manuel Pazos

    O Auditorio Municipal de Cangas levará o nome de Xosé Manuel Pazos Varela