A 12ª edición do mercado Galicia Escena PRO, organizado pola Axencia Galega das Industrias Culturais (Agadic) e Escena Galega, que terá lugar en Santiago de Compostela do 2 ao 5 de xuño de 2025, vén de abrir o prazo de inscrición para profesionais do sector das artes escénicas que desexen asistir a ela. Poderán rexistrarse solicitudes ata o vindeiro 7 de maio, ás 15.00 horas.

A convocatoria está dirixida a responsables de programación, en activo, de espazos escénicos públicos e privados; responsables de festivais e feiras de artes escénicas; empresas distribuidoras; compañías; e medios de comunicación relacionados coas artes escénicas.

As condicións para a inscrición son as seguintes:

Acreditarase unha persoa por entidade.
No caso das persoas responsables de programación, feiras e festivais de artes escénicas, a organización garante unha acreditación con dereito a unha entrada para cada espectáculo e aloxamento en cuarto compartido durante os catro días de feira.
No caso das empresas distribuidoras e compañías, garántese unha acreditación con dereito a unha entrada por cada espectáculo e a posibilidade de participar nos encontros profesionais.

A feira

Galicia Escena PRO é a feira de artes escénicas promovida desde a Axencia Galega das Industrias Culturais e organizada en colaboración coa asociación profesional Escena Galega, que reúne axentes do sector co obxectivo de estimular a contratación dos espectáculos de produción galega e impulsar a súa proxección social dentro e fóra da Comunidade.

Os espectáculos galegos seleccionados

As 30 propostas galegas seleccionadas para a súa presentación, como espectáculos completos ou en formato pitching, nesta 12ª edición do mercado profesional de artes escénicas Galicia Escena PRO son as seguintes: