A Capela do Hospital, en Cangas de Morrazo, acollerá hoxe, 26 de xuño, a estrea absoluta de Nela estaba a forza do mar, de Ana Abad de Larriva, a partir das 20:00 horas. Trátase dunha peza performativa que combina a música, a narración oral cantada e falada, as artes do movemento e as artes visuais para mergullarse dun xeito sensorial na realidade dunhas mulleres cheas de forza que foron marcadas polo tempo.
Sinopse
“Nela, nelas, estaba a forza do mar. E do monte, das montañas, dos ríos, do vento e das treboadas. A forza da natureza enteira berraba nas súas veas. Unha forza que non son quen de recoller as palabras. E nun bater, e nun pechar, e nun escuro… Silencio”.
Ficha artística
Dirección, dramaturxia, textos e creación escénica e musical: Ana Abad de Larriva
Interpretación escénica e musical: Ana Abad de Larriva
Fotografía e proxeccións: David Rodas González e Ana Abad de Larriva
Asistencia vocal e musical: Sagrario Salamanca e Úrsula Casás
Asistencia de dirección: David Rodas González
Coproduce: MITCFC
A única publicación periódica que ten como obxecto as artes escénicas galegas dende 1983.
- Ana Abad de Larriva estrea ‘Nela estaba a forza do mar’ - 26/06/2026
- A MITCFC inaugura a súa 43ª edición - 24/06/2026
- O CDG contratará 35 intérpretes na súa nova temporada - 24/06/2026
