O circuíto que promove a Xunta en colaboración con 45 espazos escénicos de toda Galicia arranca hoxe en Lugo a súa programación semestral co espectáculo de danza Mercedes mais eu, protagonizado por Janet Novás e Mercedes Peón. | Foto: Diego Seixo (O mel non caduca, de Ibuprofeno Teatro) |

 

A Rede Galega de Teatros e Auditorios (RGTA) reinicia a súa actividade coa posta en marcha da súa primeira carteleira semestral de 2020, que ata o mes de xuño ofrecerá 328 actuacións escénicas e musicais en 45 escenarios de 40 localidades. A primeira delas será a que protagonizarán a coreógrafa e bailarina Janet Novás e a música Mercedes Peón hoxe venres, ás 20:30 h., no Auditorio Gustavo Freire de Lugo co espectáculo de danza Merecedes máis eu, inserido á súa vez no ciclo Lugo en Danza.

O orzamento do circuíto para este primeiro período de programación anual é de 1 millón de euros, que se destina a financiar as actuacións das 111 formacións artísticas contratadas, galegas na súa meirande parte. Este ano súmase á rede, por vez primeira, o Auditorio de Goián, en Tomiño.

Algúns destes especáculos son estreas: a primeira será a de Carabela, de Galeatro, que terá lugar o 19 de xaneiro no Pazo da Cultura de Carballo. Seguiranlle O candil, de Escola Galega de Teatro Musical (24 de xaneiro no Fórum Metropolitano da Coruña); O mel non caduca, de Ibuprofeno Teatro (31 de xaneiro no Teatro Principal de Santiago); As virxes salvaxes, de Teatro do Noroeste (15 de febreiro no Auditorio Municipal de Vilagarcía); A conquista da escola Madhubai, de Teatro do Atlántico (28 de febreiro no Pazo da Cultura de Narón); Os nenos da varíola, de Pérez & Fernández (28 de febreiro, no Teatro Principal de Compostela); Microspectivas dun marica millennial, de Incendiaria (14 de marzo, Auditorio Municipal de Cangas); Dreaming Juliet, de Elefante Elegante (20 de marzo no Teatro Rosalía Castro da Coruña); Pika, de Cinema Sticado (21 de marzo no Auditorio Municipal de Cangas); O mozo da última fila, de Redrum Teatro (16 de abril no Principal de Santiago), e Thesaurus, de Ánxela Blanco (25 de abril no Teatro Rosalía da Coruña).

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos