Libros

Presentación en Vigo de ‘A sombra das árbores’, de Ana Abad de Larriva

PUBLICIDADE

O vindeiro xoves 23 de xaneiro, ás 20:00, na libraría Librouro de Vigo, presentarase o libro A sombra das árbores, de Ana Abad de Larriva, obra gañadora do II Certame de Textos Teatrais Roberto Vidal Bolaño e publicada pola Editorial Galaxia na súa colección Costa Oeste.

A escritora Inma López Silva e o dramaturgo Ernesto Is acompañarán á autora na presentación do texto gañador do certame convocado polo Concello do Porriño, a Editorial Galaxia e o Equipo de Dinamización Lingüística do IES Ribeira do Louro.

Ana Abad de Larriva é titulada superior en Arte Dramática, na especialidade de Interpretación Xestual, pola Escola Superior de Arte Dramática de Galicia, e licenciada en Xornalismo pola Universidade de Santiago de Compostela. Doutoranda en Comunicación na Universidade de Vigo, desenvolve a súa investigación no eido da teoría teatral e publica artigos especializados en artes escénicas en diferentes medios, compaxinando o seu labor no campo da comunicación coa creación escénica e literaria, así como coa docencia. É unha colaboradora habitual da erregueté | Revista Galega de Teatro. 

O xurado do Certame destacou que A sombra das árbores é unha proposta teatral de corpo poético onde movemento e palabra cobran especial importancia. Preséntanse como unha peza teatral aberta onde a dirección, xunto co grupo de actrices e actores, construirá desde ese non lugar un escenario simbólico poboado por un bosque de sombras que é o espazo que habitamos.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!