in

O ‘Poeta en Nova York’, de Lorca, chega ao teatro

PoetaNovaYorkLugilde
En marzo, o espectáculo presentarase no Salón Teatro de Compostela.

 

Producións Paloma Lugilde  estrea o vindeiro 29 de xaneiro, no Auditorio Gustavo Freire de Lugo, unha adaptación teatral de Poeta en Nova York, de , obra de irremediable actualidade, abordándoa desde conceptos pouco habituais: o dó como forza motriz a través do trato coa morte (tema ritual do poemario) ou a crise do desexo. Por iso, a experimentación terá un gran peso, materializándose nun espazo escénico contemporáneo no que a honestidade estea presente creada pola directora e dramaturga Paloma Lugilde.

O elenco está formado por , e Sabela Eiriz. Completan o equipo Rosa Moledo, tradución e asesoramento lingüístico, Xoan Laxe, tradución e Alfredo Sarille, luces.

PUBLICIDADE

As entradas para a estrea, o día 29, están xa esgotadas, pero haberá un segundo pase o día 30, ás 20:30. Xa en marzo, o espectáculo presentarase no Salón Teatro de Compostela.

 

Paloma Lugilde

PUBLICIDADE

Paloma Lugilde é actriz e directora da compañía de teatro Palimoco dende a súa fundación, da Escola Palimoco Teatro e Danza, e do Grupo de Teatro USC-Lugo. Con esta última compañía Luguilde conseguiu o premio á mellor Dirección no II Festival Nacional de Teatro Universitario. Como actriz, traballou, ademais de en Palimoco, en Títeres sen cabeza, e colaborou con Achádego Teatro na obra A Tempestade. Tamén colaborou con Proxecto Barraca, da Aula de Teatro Universitaria de Ourense. Participou en programas de radio e televisión como colaboradora. Ten formación tamén en danza clásica, contemporánea e flamenca, traballou no Colegio Fingoi impartindo teatro e danza e fixo un traballo de voluntaria na prisión de Teixeiro; ademais de formar parte do Proxecto Buxiganga.

 

Ficha

Dirección e : Paloma Lugilde
Elenco: María Roja, Sergio Zearreta, Sabela Eiriz
Tradución poemario: Xoán C. Laxe
Tradución dramaturxia e asesoramento lingüístico: Rosa Moledo
Luz e Son: Alfredo Sarille e David Regueiro
Poemas musicados:Sergio Zearreta
Deseño de espazos: Paloma Lugilde
Fotografía: Mario García Herradón, Marcos Loopez, Adra Pallón
Vídeo: Luis Antonio Barajas, Escola de Imaxe e Son de Lugo
Deseño gráfico e redes: Sabela Eiriz
Asistente de produción: Oscar Lago
Realización vestiario: Maite Abuín, CDG

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    RosaliaCulturactiva

    Culturactiva leva a infancia de Rosalía ao teatro

    PentecostesPalidoDomingo

    Pentecostés