Este xoves 30 de xaneiro conmemórase o Día escolar da paz e non violencia coincidindo coa data do pasamento de Mahatma Gandhi en 1948. Esta celebración ten por obxectivo a educación para a tolerancia, a solidariedade, a concordia e o respecto aos Dereitos Humanos. Os centros educativos de todos os niveis convértense así en instrumentos para a paz e a non violencia.
O Concello de Narón programa para esta data á representación teatral da obra Nana para un soldado, escrita por Pepablo Patinho e representada por Teatro Ghazafelhos, á que asistirá o alumnado de 3º e 4º de primaria dos centros educativos de Narón.
Esta función compleméntase coa presentación, ás 18:00, na Biblioteca Municipal do Alto do texto no que se basea a obra teatral. Trátase dunha peza teatral escrita por Pepablo Patinho, con ilustracións de Nuria Díaz e un prólogo de María Canosa. O acto estará protagonizado polo autor, que fará unha presentación dinámica do libro para que os nenos e nenas gocen desta actividade. A presentación está aberta ao público en xeral e especialmente recomendada para o público infantil.
A única publicación periódica que ten como obxecto as artes escénicas galegas dende 1983.
- Sete persoas e entidades foron distinguidas nos IV Recoñecementos de Escena Galega das Artes Escénicas - 07/07/2026
- Moaña acolle a primeira edición do Festival Internacional das Culturas Mar da Illa de Samertolameu - 03/07/2026
- O Convento de Santa Clara acolle a Bienal de Artes Vivas de Pontevedra - 03/07/2026
