in

Vida y materia / Entreactos / Poemas lentos

VidaYMateriaLera |

Fraxilidade e impermanencia

| Ana Abad de Larriva |
| Foto: David Rodas |

 

Como volver construír aquilo que non se pode reconstruír? Como crealo de cero, dándolle una nova vida? O clausurou a edición do festival Isto Ferve deste ano cunha proposta que se mergullaba nesas cuestións. Despois das inundacións que sufriu a sala hai un ano e que causaran o seu peche temporal para acometeren os labores de limpeza e reacondicionamento, o Ensalle convidou a Antonio Fernández Lera para que volvese escribir poemas de Vida e materia nas paredes recentemente pintadas do teatro. No vestíbulo, enmarcados, aínda se podían ver fragmentos das antigas frases, en anacos de pintura branca sobre fondo negro, rescatados tras o alagamento.

O evento comezou coa propia acción de Antonio Fernández Lera escribindo (esta vez con pintura negra sobre fondo amarelo) varios poemas de Vida y materia nas paredes dunha das salas, acompañado pola relación performativa que establecían Raquel Hernández, Artús Rey e Carmen Menager coa arquitectura do espazo. Despois pasouse ao teatro, onde os catro, xunto con Pedro Fresneda (que antes estivera a documentar filmicamente a acción), desenvolveron unha lectura (des)dramatizada de poemas de Vida y Materia e Libro de alegrías, así como tamén de Poemas lentos (todos eles publicados na colección La Garza Roja) e fragmentos do texto Entreactos (publicado en Pliegos de teatro y danza).

Publicidade

As lecturas desenvolvéronse nun primeiro lugar nas bancadas para despois pasar a unha mesa situada no centro do escenario; os espectadores e espectadoras estabamos situados/as en cadeiras que bordeaban parte do escenario e subían polos laterais dos chanzos. Pola sala escorregaban os versos sobre a vida e a materia; a súa fraxilidade, a súa impermanencia.

Ao remataren as lecturas, fomos convidadas/os a achegarnos ao centro do escenario para asistir á proxección no chan (onde antes estivera a mesa) dunha serie de fotografías de Antonio Fernández Lera, que reflectían a fermosura de diferentes formas e texturas da materia, moi relacionadas cos poemarios que se viñan de presentar.

Publicidade

 

Vida y materia / Entreactos / Poemas lentos, de Magrinyana / Antonio Fernández Lera

Participan: Antonio Fernández Lera con Raquel Hernández, Artús Rey, Carmen Menager e Pedro Fresneda.

Festival Isto Ferve. Teatro Ensalle. Vigo. Venres 6 de marzo de 2020.

Publicidade
Publicidade
Ana Abad de Larriva

Ana Abad de Larriva

Actriz, creadora escénica e dramaturga; é titulada superior en Arte Dramática, na especialidade de Interpretación Xestual, pola ESAD de Galicia, licenciada en Xornalismo pola Universidade de Santiago de Compostela e doutora en Comunicación pola Universidade de Vigo. Desenvolve a súa investigación no eido da teoría e da práctica teatral. Na actualidade é a subdirectora da Erregueté.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    M1A2250 890x380 |

    ‘Eroski Paraíso’ e ‘Manoliño Nguema’, premiados nos Mestre Mateo

    OPremio |

    La Quintana Teatro estrea ‘O premio’ de Santiago Cortegoso, este xoves