A presentación será este venres 11 de xuño ás 18.00 h. na Fundación Luis Seoane da Coruña dentro das actividades do Festival TRC Danza 2021. O acceso é libre, previa inscrición.
Este venres día 11 de xuño, ás seis da tarde, preséntase a publicación en papel dos primeiros cinco anos de Pre-textos (2014-2018) na Fundación Luis Seoane da Coruña, dentro da Programación Expandida do TRC Danza. O acto contará coa presenza de Carmen Giménez Morte, Afonso Becerra de Becerreá e Caterina Varela, coordinadora desta edición. As prazas son limitadas e é preciso inscribirse previamente na actividade a través desta ligazón.
Pre-textos é o nome que agrupa unha serie de contidos publicados con anterioridade á presentación da obra no teatro, co ánimo de contextualizar dunha maneira específica as claves de cada unha das propostas dos artistas invitados. Os formatos destes contidos son diversos: textos escritos, audios que recollen unha conversa, etc. Esta liña de contidos mantense dende o primeiro ano do proxecto nunha aposta pola necesidade de xerar memoria, arquivo e diálogo arredor das prácticas artísticas, segundo indican desde TRC Danza. Na actualidade, a liña de Pre-textos conta con 72 textos publicados de xeito dixital.
> Inscricións: https://forms.gle/of7dpwfBDLYqAcMv6
A única publicación periódica que ten como obxecto as artes escénicas galegas dende 1983.
- O festival de danza e artes do movemento Abanea celebra a súa quinta edición - 09/07/2026
- Sete persoas e entidades foron distinguidas nos IV Recoñecementos de Escena Galega das Artes Escénicas - 07/07/2026
- Moaña acolle a primeira edición do Festival Internacional das Culturas Mar da Illa de Samertolameu - 03/07/2026
