in ,

A danza chega á Sala Rebullón con ‘Primeiro a vida!’

Primeiro a vida!
Imaxe de Kirenia Danza

Este sábado, 17 de xullo, a sala ubicada en Mos (Pontevedra) acollerá o novo espectáculo da compañía Kirenia Danza.

Despois de E_migrantas, a compañía Kirenia Danza presenta hoxe sábado 17 de xullo na Sala Rebullón de Mos unha nova entrega da súa triloxía sobre os vulnerables: Primeiro a vida! A peza, interpretada por Esther Latorre e Xoel Álvarez, e dirixida por Kirenia Martínez, estreouse o 23 de abril no Auditorio ‘Gabriel García Márquez’ de Oleiros. A cita en Mos será ás 20.00 horas, previa reserva de entrada.

O equipo de Primeiro a vida! complétase con Branca Novoneyra na escrita, o vestiarista Jandro Vila, os compositores LLXANTO e Bruno Baw, o deseñador gráfico Niko Alvarellos e Uxío Novo en labores de produción.

Publicidade

O prezo único das entradas é de 8€ e as reservas faranse mediante o correo r[email protected]

Primeiro a vida!

Os coidados están hoxe no centro, agora son visibles, mais sempre foron imprescindibles para manter a vida. Somos vulnerables, estamos sempre expostos e precisamos doutros corpos que nos apoien durante a nosa vida. O corpo fala da vulnerabilidade, escríbea con xestos e desprazamentos, en toda manifestación que sostén. Precisamos dos coidados dos outros para manternos con vida xuntos en comunidade. Esta peza é un eloxio dos coidados, é dicir, tecemos o coidado en movemento e os corpos danzan unha antiga reivindicación que demanda ‘Primeiro a Vida’ ou ‘Antes a Vida’ ou ‘Elixir a Vida’; tres posibles traducións do verso de André Bretón, transformado nun lema nos antigos muros durante o Maio de 1968 en Francia.

Fronte a explotación, a precariedade e a morte que trouxo a pandemia, nós eliximos coidarnos e proclamamos: Primeiro a vida!

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

Centro Dramático Galego

Marta Pazos e Cándido Pazó dirixirán as novas producións do Centro Dramático Galego

Xosé Manuel Pazos Varela

O compromiso de Xosé Manuel Pazos coa Revista Galega de Teatro