A programadora cultural de Vigo, Marta Núñez, recibiu o premio de Honra Dorotea Bárcena do FETEGA pola súa intensa actividade durante a súa carreira e especialmente por estes dous últimos anos de pandemia.
Marta Núñez non só é recoñecida polo labor á fronte do Auditorio Municipal de Vigo, senón tamén por xerar ideas que marcan tendencia e demostran a súa visión ampla nun dos postos máis descoñecidos polo público e de maior dificultade.
Recolleu o premio durante unha gala de peche da 32º edición do FETEGA e mostrouse moi emocionada e agradecida por unha mención que considera é “unha oportunidade transcendental para reivindicar e pór en valor un traballo tan descoñecido como o de programadora”.
Quixo dedicar o premio aos principais técnicos de cultura dos concellos galegos, aos que nomeou un por un e, especialmente, ao programador do Auditorio Municipal de Ourense, Manuel Freire, afectado polas controvertidas políticas do rexedor de Ourense.
A única publicación periódica que ten como obxecto as artes escénicas galegas dende 1983.
- A MITCFC desvela as datas e o programa completo da súa 43ª edición - 09/05/2026
- O FIOT convoca a décima edición do Certame Metro Cadrado - 04/05/2026
- PAM convida a celebrar o Día da Danza - 28/04/2026
