Desde hoxe, e nos próximos 20 días naturais, poderanse presentar proxectos de coprodución a partir da peza que Ernesto Is desenvolveu grazas á primeira Bolsa de Dramaturxia e Creación.
A Axencia Galega das Industrias Culturais (AGADIC) publicou onte, na súa páxina web, a Resolución do 4 de outubro de 2021 pola que se aproban as bases reguladoras do procedemento de selección de proxectos para a contratación, en réxime de coprodución, dun espectáculo teatral na temporada 2021-2022 a partir da dramaturxia elaborada dentro da bolsa de dramaturxia do Centro Dramático Galego: Relato para un incendio, do dramaturgo e membro do consello de redacción da erregueté | Revista Galega de Teatro, Ernesto Is. A peza está dispoñible para consultar en liña ata a fin do prazo de presentación de propostas recollido nas bases.
Dentro das actividades de promoción e difusión do texto de Is, a Asociación de Actores e Actrices de Galicia (AAAG) prepara unha lectura dramatizada de Relato para un incendio que terá lugar o vindeiro 19 de outubro no Salón Teatro do Centro Dramático Galego (CDG).
Bases Bolsa de Dramaturxia e Creación
A única publicación periódica que ten como obxecto as artes escénicas galegas dende 1983.
- O festival de danza e artes do movemento Abanea celebra a súa quinta edición - 09/07/2026
- Sete persoas e entidades foron distinguidas nos IV Recoñecementos de Escena Galega das Artes Escénicas - 07/07/2026
- Moaña acolle a primeira edición do Festival Internacional das Culturas Mar da Illa de Samertolameu - 03/07/2026
