O certame consiste na presentación de pezas teatrais curtas que centren a súa temática arredor da memoria histórica. O prazo de presentación remata o día 30 de novembro de 2021.

A segunda edición do certame ‘Microteatro da Memoria’ xa está en marcha trala sinatura dun novo convenio de colaboración entre a Escola Superior de Arte Dramática de Galicia (ESADg) e o Departamento de Memoria Histórica da Deputación de Pontevedra. A deputada de Memoria Histórica, María Ortega, e o novo director da ESAD de Galicia, Roberto Relova, renovaron o compromiso deste certame co que buscan “facer memoria” e abordar a nosa historia “desde unha perspectiva de xénero, país e clase”, segundo palabras das entidades convocantes.

A nova edición de ‘Microteatro da Memoria’ toma o relevo do certame do ano pasado, que, segundo explicou María Ortega, foi todo un éxito xa que “foron moitas as persoas alumnas e ex alumnas da ESADg as que presentaron as súas pezas a concurso”. Concretamente, foi unha ex alumna a gañadora da primeira edición deste certame: Ana Abad de Larriva, subdirectora da erregueté | Revista Galega de Teatro, coa peza Un biolo na noite.

Sinatura do convenio entre a ESADg e a Deputación de Pontevedra.

II certame ‘Microteatro da Memoria’

Poderá presentarse calquera persoa que así o desexe.

AS PEZAS  E O PREMIO
Pezas curtas en lingua galega, estilo libre, temática sobre a memoria histórica. Un único premio dotado con 500 €.

PRAZO E PRESENTACIÓN
O prazo de presentación remata o día 30 de novembro de 2021.

A presentación das pezas é telemática, enviándoas ao correo electrónico esad.galicia@edu.xunta.gal dentro do prazo establecido (ata as 24h do 30 de novembro de 2021). No correo irán dous documentos. Un será a peza co título, sen que conste a autoría da mesma, e o outro a plica onde figuren o título da peza e os datos persoais da autoría (nome e apelidos, DNI, enderezo postal, enderezo electrónico e número de teléfono). No asunto do correo indicarase “II Certame Microteatro da Memoria 2021”. O tipo de letra Arial tamaño 12 cun interliñado de 1.5.

XURADO
O xurado estará conformado pola/o Xefa/e do Servizo de  Dinamización da Lingua Galega da ESAD ou persoa en que delegue, unha/un docente da ESAD e unha persoa que designe a Deputación de Pontevedra.

DIFUSIÓN E DEREITOS DE AUTORÍA
A ESAD de Galicia disporá da peza gañadora para uso escénico durante o ano seguinte ao desta convocatoria, sempre no ámbito académico e sen prexuízo doutras cesións de uso, se así o decide a autoría.

PROTECCIÓN DE DATOS
Contémplanse ao abeiro dos regulamentos a ese respecto (Lei Orgánica do 5 de Decembro do 2018 sobre a protección de datos).

A participación no certame supón a total aceptación das bases, así como das decisións e valoracións que poidan adoptar as entidades organizadoras e o xurado.

⇓ BASES Microteatro da memoria

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos