Ana Vallés de Matarile
A directora Ana Vallés

PUBLICIDADE

Con nove intérpretes en escena, a nova montaxe de Matarile contará cun equipo de produción formado por 25 persoas de varias procedencias: Canarias, Madrid, Galicia, Zaragoza e Alemaña.

INLOCA supón o retorno da compañía ao gran formato, despois do dúo El diablo en la playa. A primeira etapa do proceso de ensaios ten lugar no plató da Facultade de Xornalismo da Universidade de Santiago, durante o mes de novembro. A segunda etapa de ensaios, en decembro, levarase a cabo en Madrid, onde se estreará o 14 de xaneiro, permanecendo en cartel ata o 6 de febreiro, cun total de 21 representacións.

En INLOCA, Ana Vallés contará cun elenco formado en parte por artistas habituais da compañía (Claudia Faci, Celeste González, Ricardo Santana, , Ana Cotoré, ), e tres novas incorporacións (Alfredo Rodríguez, Alfredo Pérez e ), dúas delas froito dunha audición realizada no CDN en abril, que levou por nome Just for men e na que se presentaron máis de 150 candidatos.

 

Trilogía de la Fragilidad

INLOCA supón a segunda parte do que Ana Vallés ideou como Trilogía de la Fragilidad. Di Vallés: “Esta triloxía pretende ser unha homenaxe á fraxilidade, un dos temas que sempre reflectín nos meus espectáculos e que foi impregnando aos poucos todos os demais nestes últimos anos. A consciencia da fraxilidade do ser humano, pero tamén: a transformación constante, a  impermanencia, as ideas e conceptos, a beleza, todo o que vive, todo o que foxe”.

A primeira parte da triloxía, El diablo en la playa, foi estreada en 2020. A terceira entrega está prevista para 2023 baixo o título provisional de Europa después de la lluvia.

 

Espazo e iluminación

Habitual no selo de calidade da compañía, volve ser primordial a iluminación deseñada por , que nesta ocasión comparte con Miguel Muñoz. Unha iluminación concibida como atmosfera, xeradora dun ‘espazo elocuente’ e que foi motivo de numerosos premios ao longo da súa carreira.

35 anos de historia

A compañía Matarile, dirixida por Ana Vallés e Baltasar Patiño, conta cunha traxectoria de 35 anos dedicados á creación dun teatro caracterizado pola innovación enmarcado nas artes escénicas contemporáneas. No seu traballo de creación combinan distintas linguaxes en colaboración con artistas de distintas procedencias e traxectorias artísticas, buscando sempre a excelencia na calidade artística e técnica da súa posta en escena.

Ademais da súa creación como Compañía, Matarile xerou espazos para a creación e encontro desde 1993: Teatro Galán, En Pé de Pedra Festival Internacional de Danza e Sala Montiel Espazo In-Permanente, todos en Compostela.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete ao boletín á newsletter

Recibe no teu email as novas, artigos, entrevistas e contidos da Erregueté para que non perdas unha!