Actualidade

Adiado ata outubro o I Congreso Internacional do Teatro Galego

PUBLICIDADE

A Academia Galega de Teatro vén de facer público un comunicado polo que anuncia o adiamento do I Congreso Internacional do Teatro Galego por mor das recomendacións da Organización Mundial de Saúde, as orientacións ditadas pola Xunta de Galicia e as decisións xa tomadas polas autoridades sobre o aforo de espazos públicos para as vindeiras semanas, no contexto da prevención e contención da propagación do novo coronavírus (COVID-19).

As novas para o Congreso son os día 7, 8, 9 e 10 de outubro, na Cidade da Cultura e, agás cambios, co mesmo programa que agora estaba vixente.

O Congreso mantén os seus obxectivos: por unha banda, analizar o pasado e o presente do teatro galego a través de comunicacións, mesas redondas e sesións plenarias dende unha perspectiva académica que contribúa a un mellor coñecemento do sistema teatral de Galicia. Por outra, deseñar, a través do debate, os principios teóricos que deben guiar a creación dun plan estratéxico e unha lei do teatro para a vindeira década. Equilibraranse así dúas perspectivas –académica e política– para deseñar o futuro do teatro galego.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!