in

A AAAG demanda á Xunta un plan de rescate para traballadoras das artes escénicas

Mesa de Luces do Teatro
Foto de Peter Taylor

A Asociación de Actores e Actrices de Galicia (AAAG) solicita á Xunta de Galicia que, ante o recente peche dos teatros e das actividades consideradas como non esenciais, “poña en marcha de inmediato un plan de rescate para o sector cultural e axudas directas para os seus traballadores”.

 

Nun comunicado, a Asociación de Actores e Actrices de Galicia, asociación sindical que reúne a máis de 330 profesionais da interpretación e da dirección de escena, mostra a súa preocupación polo que entenden que é “un punto no que se fai inviable a actividade escénica” e que “imposibilita as opcións dos profesionais dos espectáculos ao vivo de gañar o seu sustento”. Demandan ao Goberno autonómico un plan que contemple a protección aos traballadores do sector xa que consideran que este “centrou a súa intervención, desde que comezou a pandemia, nun Plan de Reactivación dirixido unicamente as empresas” que priorizaba  a “exhibición e distribución, ignorando a posibilidade dos adiamentos e suspensións que se foron sucedendo”, sinalan.

Publicidade

Recordan a “gran vulnerabilidade laboral, por mor da estacionalidade, da intermitencia e da singularidade na contratación por días de funcións e gravacións” dos traballadores do sector. “Factores que dificultan o acceso ás prestacións habituais”, engaden desde a AAAG.

Ante esta situación, a AAAG reclama que a Consellería de Cultura, Educación e Universidades e a Consellería de Emprego e Igualdade  que traballen conxuntamente nun plan específico para as profesionais do sector, seguindo modelos coma o levado a cabo en Cataluña no mes de novembro no que se recollían prestacións directas a traballadores, seguros de suspensión de funcións e partidas económicas destinadas ao mantemento de  estruturas empresarias.

 

Comunicado completo da Asociación de Actores e Actrices de Galicia

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

IV Premio Roberto Vidal Bolaño

Aberto o prazo do IV Premio Roberto Vidal Bolaño de textos teatrais para adolescentes

La excepción y la regla, La Extraña Compañía

La excepción y la regla