in ,

A FEGATEA recibe o Premio da Cultura Galega 2020

FEGATEA
Chelo Pampillón, terceira pola esquerda, recolle o Premio da Cultura Galega en nome de FEGATEA

A Federación Galega de Teatro Afeccionado (FEGATEA) foi galardoada co Premio da Cultura Galega 2020 na modalidade de Artes Escénicas.

Presidida por Alberto Núñez Feijóo, a Cidade da Cultura acolleu o pasado 8 de abril a entrega dos Premios da Cultura Galega 2020 na que foron recoñecidas e recoñecidos Ledicia Costas (Letras), Xurxo Lobato (Artes Plásticas), a Central Folque (Música), Chema Prado (Audiovisual), Xosé González (Lingua), a Fundación Penzol (Patrimonio Cultural) e a responsable do Centro de Estudos Galegos en Budapest, Ildiko Szijj (Proxección Exterior).

Chelo Pampillón recolleu en nome da FEGATEA (Federación Galega de Teatro Afeccionado) o galardón de Artes Escénicas da man de Rosario Álvarez Blanco, presidenta do Consello da Cultura Galega. No seu discurso de agradecementos salientou a traxectoria da federación e os seus principais logros e reivindicou a formación e a creación de público como ferramentas clave do teatro amador galego.

Publicidade

Foi o conselleiro de Cultura, Román Rodríguez, o encargado de abrir o acto e o presidente da Xunta de Galicia de pechalo con palabras para os fundadores da FEGATEA, a función da federación na promoción do teatro galego e a PLATTA (Plataforma Transfronteiriza de Teatro Amador).

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

Premios María Casares

Convocados os XXV Premios María Casares

Redrum Teatro

Redrum inicia os ensaios da súa nova produción, ‘Un home con lentes de pasta’