in ,

Casilda Alfaro xa é ‘Xograresa de Outono’ do FIOT de Carballo

Casilda Alfaro
Fotografía do FIOT de Carballo
A actriz e membro do consello editorial da erregueté | Revista Galega de Teatro, Casilda Alfaro, recolleu onte, no Pazo da Cultura de Carballo, o Premio ‘Xograresa de Outono 2021’ do FIOT. Segundo o festival carballés, Alfaro é “unha das grandes traballadoras das artes escénicas en Galicia, impulsora de numerosas producións e fundadora da Mostra Internacional de Teatro Cómico e Festivo de Cangas (MITCFC)“. Con este nomeamento honorífico, o FIOT valora “a súa gran calidade como intérprete e o seu forte compromiso empresarial no sector das artes escénicas no noso país”.
Casilda Alfaro recibiu o galardón de mans do escenógrafo e anterior ‘Xograr de Outono’ Carlos Alonso, e do director do FIOT, Alberto Sueiro, moi emocionada, recordando as súas profesións vocacionais: o teatro e a enfermaría. Escolas de vida, segundo Alfaro, que reivindicou tamén “ás compañeiras e compañeiros de Teatro de Ningures, cos que medrei profesionalmente; cos que compartín sacho e fouce para rozar e ir facendo camiño”.

Xograr / Xograresa de Outono

O nomeamento honorífico como Xograr ou Xograresa do Festival Internacional Outono de Teatro recoñece unha persoa ou entidade que destaca pola súa traxectoria na promoción e desenvolvemento do teatro en Galicia. A elección da galardoada correspóndelle aos anteriores premiados e á Asociación Cultural Telón e Aparte, impulsora do FIOT. En anteriores ocasións gañaron este galardón artistas como , Artur Trillo, Celso Parada, Víctor Mosqueira, Quico Cadaval, Dorotea Bárcena, Cándido Pazó, Paula Carballeira, , Alberto Gende, Xosé Manuel Olveira “Pico”, Eduardo Rodríguez Cunha “Tatán”, Susana Dans, , Mónica Camaño, Manuel Lourenzo, Patricia de Lorenzo ou .
PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Concesión

    Canto vale unha concesión?

    FOOT

    Pallasos en Rebeldía estrea ‘FOOT’ no FIOT de Carballo