Actualidade

Matarile Teatro presenta a web do Festival En Pé de Pedra

Pé de Pedra
Pisando Ovos (foto de Mecki Bart)

PUBLICIDADE

A compañía de Ana Vallés e Baltasar Patiño libera 1077 imaxes e 630 documentos PDF das doce edicións nas que se desenvolveu o festival internacional de danza en Compostela, convertendo o sitio web nun dos arquivos en liña máis importantes das artes escénicas contemporáneas de Galicia.

 

O desaparecido Festival Internacional En Pé de Pedra, organizado por Matarile Teatro e Teatro Galán (sede da compañía durante anos), estrea páxina web. A compañía fundada por Ana Vallés e Baltasar Patiño levaba tempo traballando na recompilación de imaxes, prensa, carteleira e abundante material audiovisual para configurar o arquivo desta experiencia de “danza para paseantes” que se desenvolveu durante máis de doce anos nas rúas de Compostela e que é considerada como o xerme da danza e o teatro contemporáneo en Galicia.

Polo Festival En Pé de Pedra pasaron 90 compañías de todo o mundo e apoiou a 21 novas coreógrafas e coreógrafos. As últimas edicións contaban con máis de 16000 persoas entre o público.

Matarile Teatro abre esta web como material de estudo para profesionais e cun atractivo deseño visual para curiosas e curiosos das artes escénicas. O deseño do sitio e a recompilación de arquivos están feitos pola propia compañía.

Visita a web do Festival En Pé de Pedra

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!