in

Aberta a convocatoria para as novas coproducións do Centro Coreográfico Galego

Kirenia Danza
Foto de Kirenia Martínez Acosta

A Axencia Galega das Industrias Culturais (AGADIC) dependente da , Educación e Universidade abre o prazo ata o 3 de marzo para a selección de proxectos para a contratación, en réxime de coprodución, de tres espectáculos de danza en calquera das súas modalidades.

 

Esta contratación é parte do programa de coproducións de espectáculos que a AGADIC desenvolve a través do Centro Coreográfico Galego co obxectivo de favorecer a produción neste ámbito artístico, impulsar a creación de espectadores para a danza, consolidar produtos culturais competitivos que xeren retorno e, en definitiva, buscar a excelencia nos produtos culturais galegos.

Publicidade

O prazo de presentación está aberto ata o 3 de marzo de 2021 (20 días naturáis dende a publicación das bases o 12 de febreiro). Poderán presentar os seus proxectos as persoas, físicas ou xurídicas, así como as sociedades civís e comunidades de bens ou calquera outra agrupación de persoas sen personalidade xurídica propia, así como as unións temporais de empresas, dedicadas profesionalmente á produción escénica, que desenvolvan maioritariamente súa actividade na Comunidade Autónoma de Galicia. Quedan exceptuadas as asociacións e restantes entidades sen fins de lucro.

A participación neste proceso é compatible con outras axudas polo mesmo proxecto do resto da Administración da e organismos dependentes, así como doutras administracións públicas e entidades públicas ou privadas, pero incompatible con outras convocadas pola AGADIC ou a Consellería de Cultura

Publicidade

O Centro Coreográfico Galego (CCG) é un centro adscrito á AGADIC, que ten como obxectivo o apoio á creación artística, á investigación e á formación dos profesionais da danza, a descentralización de accións e tender pontes entre proxectos e institucións e a achega ao encontro da danza con outras disciplinas artísticas. Con este procedemento preténdese impulsar estes obxectivos, mediante a convocatoria a todo o sector para que presenten proxectos innovadores no eido de danza artística co compromiso de formalizar, coas entidades seleccionadas pola comisión técnica profesional que para o efecto se constituirá, os correspondentes contratos de coprodución dos proxectos seleccionados.

Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Rede Cultural Coruña

    A área de Cultura da Deputación da Coruña incrementa o orzamento destinado ás artes ao vivo

    Tito Asorey, Marta Pazos, Laura Iturralde

    Marta Pazos, Laura Iturralde e Tito Asorey finalistas nos Premios ADE 2021