in , , ,

Publícase a primeira ‘História da dança da Galiza’ de Afonso Becerra

Afonso Becerra

O estudo de Afonso Becerra de Becerreá, director da erregueté | Revista Galega de Teatro, publícase en Através Editora, selo no que o dramaturgo e estudoso xa publicara Confio-te o meu corpo. A dramaturgia pós-dramática no ano 2018.

A pesar de que a danza é unha das manifestacións culturais e artísticas imprescindibles en calquera país, en Galicia non é ata agora, 2021, cando sae o primeiro libro que recolle a súa historia en Através Editora.

O autor da História da dança contemporânea na Galiza é Afonso Becerra de Becerreá (Becerreá, Lugo, 1973), dramaturgo e director, doutor en Artes Escénicas pola Universitat Autònoma de Barcelona, profesor de dramaturxia na , colaborador de artes escénicas no programa Zigzag da TVG, e director da erregueté I Revista Galega de Teatro. Becerra xa publicara en 2018, no mesmo selo editorial, Confio-te o meu corpo. A dramaturgia pós-dramática , o primeiro libro galego sobre o teatro contemporáneo e as artes do movemento, no que centraba a súa anteción no corpo e noutros elementos alén do canon e da orde narrativa.

Publicidade

Afonso Becerra leva anos escribindo sobre pezas de danza en diferentes medios e dedicou os últimos cinco anos a contactar con todas as coreógrafas e coreógrafos de danza de Galicia. O libro, que ten máis de 300 páxinas con máis de cen de imaxes, documenta a historia da danza desde os seus inicios ata o ano 2020. O texto intenta non establecer xerarquías e incluír todas as persoas que crearon e continúan a crear pezas de danza. Este volume fixa a súa atención na danza contemporánea que, en palabras do autor, “é aquela máis diversa e heteroxénea, na cal hai unha dramaturxia e unha creación de movemento que reflicte e expresa, de xeito moi sutil, as cuestións, inquedanzas e ansias non só das artistas, senón tamén dunha época e dun pobo”.

História da dança contemporânea na Galiza oferece o pensamento en torno á creación con a explicación de coreógrafas e coreógrafos sobre a arte da danza, así como a descrición e análise de 139 pezas.

Publicidade

O volume de Através Editora publícase en galego-português e vaise distribuír por librarías de ambos territorios. Esta primeira historia da danza de Galicia conta, ademais, coa colaboración da AGADIC da , da Área de Cultura da Deputación de Lugo e do Concello de Santiago de Compostela.

Presentacións e datas

História da dança contemporânea na Galiza vai ser presentado en diferentes espazos de gran relevancia para as artes escénicas de Galicia ao longo deste verán e no vindeiro outono:

  • MITCFC de Cangas: 2 de xullo ás 19 h.
  • MIT de Ribadavia: 23 de xullo.
  • Festival de Teatro Galego ‘Celso Parada’ do Carballiño (FETEGA).
  • Teatro Rosalía da Coruña.
  • Auditorio Municipal de Vigo.
História da dança contemporânea da Galiza Afonso Becerra

Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    MIT Ribadavia

    A MIT de Ribadavia presenta as datas e a liña gráfica da súa 37ª edición

    Ártika

    Comeza o I Ciclo de Danza e Artes do Movemento na Sala Ártika