in

Vinte e catro espectáculos na programación do Concello de Vigo

Plastic

O venres 25 e o sábado 26 de xaneiro arrinca na rúa do Príncipe a programación municipal de artes escénicas e musicais, VIGOCULTURA, que se desenvolverá nos meses de febreiro, marzo e abril, organizada pola Concellería de Cultura. A compañía portuguesa Projeto EZ realizará unha espectacular ruada, protagonizada por dous vehículos sorprendentes, con pases ás 18:30 e ás 19:30 h. Serán as primeiras das 37 funcións previstas nesta nova tempada, que volverá contar con teatro, música, danza, maxia, circo, monicreques, un espectáculo para bebés e un de rúa.

VIGOCULTURA volve apostar por unha liña de continuidade que pretende seguir consolidando públicos a través das artes escénicas cos mellores espectáculos que están nestes momentos circulando en Galicia e fóra dela. O programa contará con sesións para público adulto, os venres ás 21:00 h, e con programación destinada a público familiar, que continuará realizándose os domingos ás 18:00 h.

O venres 1 de febreiro comezará a programación no Auditorio Municipal do Concello, que todos os venres exhibirá espectáculos para adultos con compañías como Contraproducións (Commedia, 1 e 2 de febreiro), Eme2 (A noiva de Don Quixote, 8 de febreiro), La Estampida (Lo nunca visto, 15 de febreiro), (PlayOff, 22 de febreiro), o proxecto de Iria Pinheiro na Berberecheira de Chévere (Anatomía dunha serea, 8 de marzo) ou Malasombra Producións (D.E.P., 22 de marzo).

PUBLICIDADE

Cabe destacar a edición por segundo ano do programa especial 3×3 (1 e 2 de marzo), que pretende achegar ao público ao Auditorio Municipal realizando funcións en diferentes zonas do mesmo coma o vestíbulo, os cameríns ou o propio escenario. Deste xeito, tres compañías (Enconarte Producións, Teatro en Punto e ) realizarán tres pezas de microteatro e os espectadores irán pasando dunhas zonas a outras do Auditorio.

O venres 15 de marzo, o grupo Talabarte presentará o seu novo disco contando coa presenza especial, como artista invitado, do grande percusionista bretón Dominique Molard, un evento excepcional que só se poderá ver en Vigo.

Para os máis pequenos e as súas familias a oferta completase con compañías como Culturactiva (Saaabor!, 17 de febreiro), o Mago Cayetano Lledó (Lafayette Show, 10 de marzo), Magín Blanco (co musical A nena e o grilo máis aló, 17 de marzo), un espectacular traballo con pompas de xabón xigantes a cargo de Malasombra Producións (Os fabulosos Cleaners, 24 de marzo) ou o novo circo a cargo de La Banda de Otro (Yee Haw, 7 de abril). La Canica presenta un espectáculo para bebés con tres pases (Historia de un calcetín, 24 de febreiro) e Percubebé, un espectáculo-obradoiro no que as crianzas e as persoas adultas aprenden, gozan e descobren o mundo das percusións e da arpa (3 de marzo).

PUBLICIDADE

Como ven sendo habitual, o programa celebrará tanto o Día Internacional da Muller (8 de marzo) co espectáculo Anatomía dunha serea da actriz Iria Pinheiro, como o Día Internacional da Danza (29 de abril) cunha fin de semana adicada integramente a esta disciplina e que contará con dous espectáculos de danza para adultos con Daniel Abreu co seu espectáculo La desnudez, gañador de tres Premio Max 2018, incluíndo o de mellor espectáculo de danza(26 de abril), e con Paula Quintas e Plastic (27 de abril). O domingo 28 de abril a compañía Da.Te Danza farao para os máis pequenos con Akari.

Na liña de apoio á creación viguesa, a programación contará con tres estreas: UMMM! da compañía Avento Producións Teatrais (3 de febreiro) e Sorpresa! de Enconarte Produccións (1 e 2 de marzo). O Auditorio vigués tamén será o escenario da estrea absoluta de Running, da compañía De Ste Xeito e da estrea en Galicia de Facendo o Indio de Galitoon (10 de febreiro).

Os prezos dos espectáculos seguen a normativa establecida tanto pola Rede Galega de Teatros e Auditorios como polas ordenanzas fiscais municipais. Os prezos das entradas para os espectáculos para adultos serán de 8 €, excepto o programa especial 3X3 que terá un prezo de 9 €, namentres que os dirixidos a público familiar serán de 5 €.

As entradas poderán adquirirse anticipadamente a partir do martes día 15 de xaneiro (sen gastos de xestión, ao mesmo prezo que no despacho de billetes), a través da páxina web de Ticketea, no teléfono 902044226, en Discos Elepé (r/ Doutor Cadaval, 35), ou o mesmo día do espectáculo a partir dunha hora antes do comezo, no despacho de billetes do Auditorio (sempre que houbese entradas dispoñibles).

Os abonos para a programación deste período pódense combinar entre todos os espectáculos en paquetes de 5 ou 10 espectáculos, con importantes descontos do 10 e 25 % respectivamente.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    NadjMnemosyne

    Josef Nadj no TSNJ do Porto

    MalasombraDEP

    Malasombra presenta dúas das súas obras máis coñecidas no Salón Teatro de Compostela