in

Matarile presenta ‘El diablo en la playa’ na sala Ártika de Vigo

Diablo en la playa | Matarile
O venres 11 de decembro, ás 20:30 h, e con funcións o sábado e o domingo, Matarile presentará o seu novo espectáculo na sala viguesa, a creación número trinta da compañía.
| Imaxes: Rubén Vilanova |

Trala gran acollida de DAIMON y la jodida lógica nun ano marcado pola pandemia, a compañía de Ana VallésBaltasar Patiño trae a Vigo a súa creación número trinta, El diablo en la playa. A sala Ártika acollerá no seu espazo da Avenida Beiramar o novo espectáculo de Matarile Teatro os días 11, 12 y 13 de decembro. Unha peza que foi estreada o pasado outubro no Festival Internacional de Teatro de Ourense – FITO.

El diablo en la playa ten a súa orixe nun encontro de e con Claudia Faci a finais de 2018. Despois uniuse a canaria Celeste, que leva sendo unha habitual da compañía desde hai anos. Ambas son bailarinas formadas no clásico, que evolucionaron cara a tendencias máis vangardistas e que aquí forman o elenco dun espectáculo que parte da idea do caos de Deleuze. En palabras de Ana Vallés, “por unha banda, así como a filosofía e a ciencia constrúen unha especie de paraugas que nos protexa do caos, a arte abre unha fenda precisamente nese paraugas. Hai unha fenda pola que permite que entre o caos”.

Con referencias estéticas como a fotografía de Gregory Crewdson, a pintura de Edward Hopper ou o cinema de Roy Andersson, Matarile sacou adiante este espectáculo nun ano especialmente complicado para a creación escénica. Mais a compañía entendeu este momento excepcional como unha oportunidade para facer fincapé na súa forma de entender o teatro. “Para min a base do teatro é a relación que se establece co espectador. Hai un desexo de estar, de tener unha cita, de dicir ‘eu, tal día a tal hora, vou estar contigo’, e, entón, en cada función ten lugar un encontro real con esas persoas”, di Vallés.

PUBLICIDADE

Baltasar Patiño encárgase da iluminación coa complicidade de . Este traballo a catro mans deu como resultado unha luz de marcado carácter experimental e un espazo “diabólico”. O equipo péchase con Juancho Gianzo na produción.

Matarile pecha en Vigo un 2020 marcado polo éxito do seu espectáculo DAIMON y la jodida lógica, peza de gran formato que tamén puidemos gozar na e que seguirá recorrendo os mellores escenarios ao longo do próximo ano.

PUBLICIDADE
PUBLICIDADE
PUBLICIDADE
NULL string(80) "SHORTCODE: [gallery mace_type="lightbox" mace_title="Your gallery title" ids=" ]"
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Afonso Becerra

    Faladoiro virtual: ‘Representacións Queer feministas no teatro’

    Ningures | Teatro ó cubo

    Teatro Ó Cubo estrea ‘Ningures’